Web irisigarritasunaren oinarriak
Web-irisgarritasuna pertsona guztiek —tartean desgaitasuna edo funtzio-murrizketak dituztenek— baldintza-berdintasunean eta oztopo teknologikorik gabe webgune, aplikazio edo eduki digital bat erabiltzeko duten maila da.
Irisgarritasun-adierazpenak
Eusko Jaurlaritzako Justizia eta Giza Eskubideen Sailak bere eduki digitalen irisgarritasuna bermatzeko ardura du, 1112/2018 Errege Dekretuaren arabera (irailaren 7koa), sektore publikoko webguneen eta gailu mugikorretarako aplikazioen irisgarritasunari buruzkoa.
Informaziora eta zerbitzuetara sarbide unibertsala bermatzeko, UNE-EN 301549:2022 arauan jasotako irisgarritasun-eskakizunak aplikatzen dira, Europako Batasunean nahitaez bete beharreko irizpide teknikoak ezartzen dituen araua baita.
Konpromiso hori zehazten da erakundeen atarietan argitaratutako adierazpen ofizialetan:
Kexak eta erreklamazioak
1112/2018 Errege Dekretuan aurreikusitakoaren arabera, erabiltzaileek irisgarritasun-betebeharrak betetzeari buruzko kexak aurkez ditzakete, baita errege-dekretuaren aplikazio-eremutik kanpo geratzen diren eduki buruzko informazioa eskatu ere, edo betetzea karga neurrigabea dakartela justifikatzen den kasuetan. Kudeaketa horiek egin daitezke webguneen eta aplikazioen irisgarritasunari buruzko kexak eta erreklamazioak 
egiteko gaitutako kanalen bidez.
Erreferentzia osagarri gisa, Estilo Liburuak diseinu irisgarriaren eta erabilerraztasunaren irizpideak jasotzen ditu, araudi-printzipio horiek indartuz eta honako jarraibide hauek ezarriz:
- WCAG 2.1 AA mailako eta EN 301 549 arau europarraren jarraibideak betetzea.
- Diseinu moldagarria, gailu desberdinetara egokitua (ordenagailua, tableta eta mugikorra).
- Kolore-kontraste egiaztatuak, AAA mailara arte.
- Tipografia irakurgarriak (Fira Sans eta Open Sans) eta tamaina minimo egokiak (16 px paragrafoetan, 18 px botoietan).
- Egituraketa hierarkiko argia, goiburu, sareta eta mugatzaileekin.
- Orientazio moldagarria, bai bertikalean bai horizontalean.
- HTML 5.2 autobetetzearekin eta irisgarritasun-balidazioarekin hornitutako inprimakiak.
- Kontraste egokia elementu grafikoetan eta testurik gabeko edukietan ere.