Menua
Bilatu
justizia.eus
Justizia.eus
  • Bilatu
Euskadi.eus
  1. Zerbitzu-eginkizunak - Justizia

Zerbitzu-eginkizunak

Zerbitzu-eginkizunak

Lanpostu hutsak Zerbitzu-eginkizunen bitartez aldi baterako hornitzea karrerako funtzionarioei nahiz bitarteko funtzionarioei zuzendua dago.

Urgentziagatik edo premiagatik, Justizia eta Giza Eskubideen Sailak bitarteko funtzionarioak izenda ditzake Justizia Administrazioaren zerbitzurako. Karrerako funtzionarioek ezin duten bitartean edo haiek izendatzeko arrazoiek irauten duten bitartean beteko dituzte euren funtzioak bitarteko funtzionarioek.

Nabarmenak

Informa zaitez honi buruz

Azpimarratu beharra dago prozesuaren arrazoia zerbitzuko premia larriei aurre egiteko lanpostu hutsak hornitzea dela.

Zerbitzu-eginkizunen bitartez eskaintzen diren lanpostuak, oro har, erretiroetatik, organo sortu berrietatik, borondatezko eszedentzietatik, etenaldietatik eta abarretik sortutakoak izaten dira. Eta lanpostu horiek betetzen dituzten pertsonak, oro har, lan-poltsatik hautatzen dira.

Ordezkapenak ere prozesu horren bitartez egiten dira. Ordezkapenen kasuan, titularra lizentzia edo baimenen baten ondorioz falta delako eskaintzen dira lanpostuak, zerbitzuaren urgentziazko egoera eta premiak kontuan hartuta.

Aurkibidera itzuli

Laguntza Judiziala

Organo judizialen jarduerari laguntza eskaintzearekin zerikusia duten zeregin guztiak egitea da Laguntza Judizialeko Kidegoaren egitekoa. Adibidez: Sala zaindu eta zainaraztea; enbargoak egitea; posta zaindu eta garraiatzea; prozedura bateko alderdi interesatuei jakinarazpenak egitea eta hitzordua ematea; jendeari arreta egitea, etab.

DBHko graduatu titulua edo baliokidea eduki behar da. Espainiako nazionalitatea edukitzea eta adin nagusikoa izatea ere ezinbestekoa da.

Prozesu eta Administrazio Kudeaketa

Kudeaketa Prozesal eta Administratiboko Kidegoak goragoko mailako prozeduraren kudeaketa-jarduerak egiten ditu. Adibidez: arau prozesalak interpretatzen ditu; alderdien agerraldia sinatzen du; enbargoak dokumentatzen ditu; autoen laburpen-oharrak egiten ditu; idatziak eta dokumentuak jaso, erregistratu eta banatzen ditu; idatzi eta dokumentuen kopia soilak egiten ditu, etab.

Unibertsitateko diplomadun titulua, ingeniari teknikoarena, arkitekto teknikoarena, arkitekto teknikoarena edo baliokidea eduki behar da. Espainiako nazionalitatea edukitzea eta adin nagusikoa izatea ere ezinbestekoa da.

Izapidetze Prozesal eta Administratiboa

Izapidetze Prozesal eta Administratiboko Kidegoak kudeaketa Prozesalari laguntzearekin zerikusia duten jarduera guztiak egiten ditu. Adibidez: prozeduraren garapen orokorra gauzatzen laguntzen du, dokumentuak, aktak, eginbideak eta ohartarazpenak idatziz; espedienteak eta posta erregistratzen ditu; ebazpenak transkribatzen ditu; zitazio-zedulak prestatzen ditu, etab.

Batxilergoko titulua edo baliokidea eduki behar da. Espainiako nazionalitatea edukitzea eta adin nagusikoa izatea ere ezinbestekoa da.

Auzitegiko Medikuntza

Auzitegiko Medikuen Kidegoak epaitegi, auzitegi eta fiskaltzei laguntzen die, prozesu judizialaren esparruan txosten teknikoak eginez eta auzitegien jurisdikziopean dauden atxilotutako pertsonen, zaurituen edo gaixoen lesioen kontrola eta gorputzeko kalteen balorazioa eginez.

Medikuntzako Lizentziatura eduki behar da. Espainiako nazionalitatea edukitzea eta adin nagusikoa izatea ere ezinbestekoa da.

Aurkibidera itzuli

Arabako EAT- Kudeaketa Unitate Teknikoa

  • Helbidea: Gasteiz Hiribidea, 18, Lehen solairua | 01008 Vitoria-Gasteiz, Araba (mapan ikusi)
  • Telefonoa: 945004900
  • Ordutegia: 9etatik 14ak arte 

Bizkaiako EAT- Kudeaketa Unitate Teknikoa

Gipuzkoako EAT-Kudeaketa Unitate Teknikoa

  • Helbidea: Teresa de Calcuta Plaza, 1 (Atotxa), Bosgarren solairua | 20012 Donostia-San Sebastián, Gipuzkoa (mapan ikusi)
  • Telefonoa: 943000750
  • Faxa: 943000707
  • Ordutegia: 9etatik 14ak arte
  • E-posta: eatgipuzkoa@euskadi.eus 

Gipuzkoako EAT Administratiboa - Langileen arloa

Justizia Administrazioko Zuzendaritza

Aurkibidera itzuli

Justizia Administrazioaren zerbitzuko funtzionarioen hautaketa arautzen duten oinarrizko printzipioak 19/2003 Lege Organikoan (leiho berri batean irekitzen da) jasota eta abenduaren 7ko 1451/2005 Errege Dekretuak (leiho berri batean irekitzen da) onartutako Justizia Administrazioaren zerbitzuko funtzionarioen Sarrerari, Lanpostu Hornidurari eta Lanbide Sustapenari buruzko Erregelamendu Orokorrean garatuta daude.

Aurkibidera itzuli