Hipoteka-Bitartekaritzako Zerbitzua

Gainzorpetutako familien eta bankuaren arteko bitartekotza

Justizia eta Giza Eskubideen Sailaren doako zerbitzua da, eta ohiko etxebizitza erostearen ondorioz gainzorpetu diren partikularrei eskaintzen zaie, betiere hipoteka-maileguak ez baditu 350.000 euro gainditzen. Helburua zorra ahalik eta baldintzarik onenetan kitatu ahal izateko bitartekari lana egitea da. Horretarako, Jardun Profesionaleko Txandako ekonomia arloko aditu batek, zure gaitasun ekonomikoa aztertuko du, finantza erakundearekin hitz egingo du eta gizarte-arreta eskainiko dizu.

Zer eskaintzen dugu?

Zorpetutako herritarrei gainzorpetze arazoari aurre egiteko aukera, bitartekotza lanaren bitartez zorra ahalik eta baldintza onenetan kitatzeko aukera eskainiz.

Hipoteka-Bitartekaritzako Zerbitzua 3 zutabetan oinarrituta dago:

• Kaltetutako pertsonaren gaitasun ekonomikoaren azterketa
• Finantza-erakundearekin bitartekotza lana
• Gizarte-arreta

Nork eska dezake?

Etxebizitzaren erosketaren ondorioz gainzorpetze egoeran dauden norbanakoak, ondorengo baldintzak betetzen badituzte:

• Etxebizitza ohiko bizilekua izatea eta eskatzaileak jabegoan daukan bakarra izatea.
• Hipoteka, etxearen balioaren arabera, ez izatea 350.000 eurotik gorakoa. Berdin du prozedura judiziala abian badago,eta ezinbestekoa da jabegoaren titularra izatea.
• Etxebizitza Euskal Autonomia Erkidegoan egotea.
• Kaltetuko pertsonak, zorra birnegoziatzeko saiakera aurretik egin izana.

Prozedura

Lehenik eta behin zerbitzuko eskaera-orria (PDF, 164 KB)  bete behar duzu eta eskatuko zaizun dokumentazio guztia bildu behar duzu. Ondoren, aurretiazko zita eskatu behar duzu, hurrengo telefono hauetan:

• Araba: 945 25 02 09
• Gipuzkoa: 943 01 41 96
• Bizkaia: 946 61 32 10

Abuztuan hurrengo zenbakira deitu behar duzu: 945 01 90 91.

Zita daukazunean, egokitzen zaizun egunean eta orduan dagokizun bulegora jo behar duzu, hurrengo dokumentazioa eskutan daukazula:

• Jabearen edo jabeen NAN/AIZ.
• Erosketaren notario-eskritura.
• Maileguaren notario-eskritura.
• Erroldatze ziurtagiria.
• Maileguaren egoerari buruzko finantza-erakundearen eguneratutako dokumentua.
• Unitate familiarreko  kide guztien eta maileguaren titularren errenta-aitorpena.
• Beste zor batzuen xehetasunak.
• Jasotako jakinarazpen judizialak.
• Adostasunik gabeko negoziaketaren egiaztagiria (erakunde batzuk ez dute horrelako ziurtagiririk ematen).

Kontuz: Jatorrizko dokumentuak eta bakoitzaren kopia eraman behar duzula gogoratu.

Bi eguneko epean bitartekari bat izendatuko zaizu, eta honek bost eguneko epea izango du zure dokumentazio guztia jasotzeko. Ondoren zurekin harremanetan jarriko da batzar bat egin eta jarraitu beharreko pausuak zehazteko. 

Kokapena eta harremanetarako datuak

Gazteen Justizia Zerbitzuak Bilbon, Donostian eta Gasteizen ditu bulegoak.

Harremanetan jartzeko:

Vitoria-Gasteiz

• San Vicente de Paul kalea, 3 behea
• 01008 Vitoria-Gasteiz, Araba
• Mapan ikusi

• Telefonoa: 945250209
• Ordutegia: 9etatik 14ak arte
  
  Abuztuan hurrengo telefonora deitu behar duzu: 945 01 90 91

Bilbo

• Rekalde Zumar-kalea, 32 lehena ezk
• 48001 Bilbo, Bizkaia
• Mapan ikusi

• Telefonoa: 946613210
• Ordutegia: 9etatik 14ak arte
  
  Abuztuan hurrengo telefonora deitu behar duzu: 945 01 90 91

Donostia-San Sebastián

• Federico Garcia Lorca kalea, 9 behea
• 20012 Donostia-San Sebastián, Gipuzkoa
• Mapan ikusi

• Telefonoa: 943014196
• Ordutegia: 9etatik 14ak arte
  
  Abuztuan hurrengo telefonora deitu behar duzu: 945 01 90 91