Gordailuak eta kontsignazio judizialak
Gordailuak eta kontsignak Justizia Ministerioak izendatzen duen kreditu-erakundean zabaldutako "Gordailuen eta Kontsignazioen Kontu" batean zenbatekoak sartuz egiten dira.
Informa zaitez honi buruz
- Zer da gordailu judiziala?
- Zer da kontsignazio judiziala?
- Nola egiten dira?
- Noiz egin daiteke?
- Nork egin dezake?
- Izapidearen kostua
- Iraungitze epea
Zer da gordailu judiziala?
- Bermeak, fidantzak, kauzioak edo prozesuko beste baldintza batzuk betetzeko;
- Estatuko Segurtasun eta Indar Kidegoek diru eta bestelakoak konfiskatzen dutenean eta hala eskatzen dutenean;
- Ondasunen enbargoen eta eginbide judizialen ondoriozko diru-sarrerak egiteko.
Zer da kontsignazio judiziala?
Betearazpena dakarten tituluak borondatez edo nahitaez betearaztean egiten den diru-sarrera, kopuru bat ordaintzera behartuta daudenak askatzeko xedearekin egiten dena, edo legez ezarritako beste kasu batzuetan egiten dena.
Nola egiten dira?
Dirua sartzeko hiru aukera daude:
- Banco Santanderren bulego batera joan zaitezke.
- Banco Santanderren kutxazain automatiko batean diru-sarrera egin dezakezu.
- Banku-transferentzia bat egin dezakezu.
Enkante batean parte-hartzeko gordailuak telematikoki egin behar dira Enkante Judizialen Atari Bakarrean 
. Horretarako, dirua eskaini nahi duzun enkantea aurkitu eta “gordailua egin” aukeran sakatu behar duzu; ondoren, zure banku-kontuaren zenbakia idatzi behar duzu enkantean dagoen ondasunaren balioaren %5 atxiki diezazuten.
Noiz egin daiteke?
Santander Bankuan presentzialki egiten diren diru-sarrerak eta irteerak bankuko arreta orduetan egin beharko dira. Aldiz, kutxazain automatiko edo telematikoki egiten diren operazioak edozein momentutan egin daitezke.
Nork egin dezake?
Epaitegi edo auzitegietatik diru kopuru bat ordaintzeko errekerimendua jaso dutenak, bai eta prozesu judizial baten parte izan ez arren, enkate judizial batean parte hartu nahi duen herritarrak. Ordainketa interesdunak, berak, edo hirugarren batek egin dezake.
Izapidearen kostua
Banco Santanderren kontu bat baldin baduzu, aukera duzu zure kontutik transferentzia bat zuzenean egiteko, aurrez dirua atera behar izan gabe.
Transferentzia Banco Santander taldekoa ez den finantza erakunde batetik egiten baduzu, erakundeak horrelako eragiketetarako ezarritako kostua ordaindu beharko duzu.