Familia-liburua
Familia-liburua erregistro zibiletan emateari utzi zaion dokumentua da. Gaur egun, jaiotza, ezkontza edo heriotzaren hitzez hitzeko ziurtagirien bidez ematen da informazio hori.
Informazio guztia kontsulta dezakezu edo ziurtagiri horiek eska ditzakezu egoitza judizial elektronikoaren barruan, Erregistro Zibilaren Ziurtagiriak atalean.
Informa zaitez honi buruz
- Banakako Erregistroa
- Dagoeneko ez da aurretiazko hitzordurik behar Familia Liburuarekin kudeaketak egiteko
- Familia Liburuan jasota dagoen informazioa eskatzen didate
- Liburua eguneratu nahi dut jaiotza, ezkontza edo heriotzagatik
- Erregistro Zibileko 20/2011 Legea
Banakako Erregistroa
Erregistro Zibileko Lege berriak Espainia osorako erregistro zibil bakarra diseinatu du, informatizatua eta elektronikoki eskuragarria. Eredu berriak, sistemaren sinpletasun eta eraginkortasun handiagoa bilatze aldera, banakako erregistroaren alde egin du eta Familia Liburua alde batera utzi.
Ondorioz, pertsona bakoitzak erregistro indibidual pertsonala izango du, eta bertan jasoko dira bere nortasunari, egoera zibilari eta gainerako inguruabarrei buruzko egitateak eta egintzak. Banakako erregistro hori jaiotza inskripzioarekin edo egiten den lehen inskribapenarekin irekiko da eta kode pertsonal bat esleituko zaio. Jarraian, ondoz ondo eta kronologikoki, inksribagarriak diren egitatate eta egintza guztiak jasoko dira.
Azken batean, Erregistro Zibila pertsonen erregistro bihurtzen da. Hain zuzen ere, orrialde bakar batean jasotzen da Erregistro Zibilak pertsona bati buruz argitaratzen duen informazio guztia: jaioteguna, ezkondu zen, kapitulazioak egin zituen, dibortziatu zen, seme-alabarik izan zuen eta zenbat izan zituen, noiz hil zen...
Ez da posible zure ordenagailutik zure erregistro indibidualera sartzea. Zure erregistro indibidualean jasota dauden gertakariei buruzko informazioa behar baduzu, Erregistro Zibilera hurbildu zaitezke, edo telematikoki jaiotzaren, ezkontzaren edo heriotzaren ziurtagiria eskatu dezakezu.
Dagoeneko ez da aurretiazko hitzordurik behar Familia Liburuarekin kudeaketak egiteko
Dagoeneko ez da Familia Libururik ematen, ezta bikoizten ere. Ez duzu aurretiko hitzordurik behar Familia Liburuarekin kudeaketak egiteko.
Familia Liburuan jasota dagoen informazioa eskatzen didate
Familia Liburuan dagoen informazioa aurkeztu behar baduzu jaiotza-, ezkontza- edo heriotza-ziurtagiria eskatu beharko duzu. Ziurtagiriak telematikoki eska ditzakezu edo hitzordua eskatu beharko duzu Erregistro Zibilera joateko. Kontsultatu Erregistro Zibilaren izapideak gure egoitza judizial elektronikoan 
Liburua eguneratu nahi dut jaiotza, ezkontza edo heriotzagatik
2021eko Erregistro Zibilaren Lege berria indarrean dagoenetik, Erregistro Zibilak ez daude behartuta Familia Liburua eguneratzera. Jaiotza, ezkontza edo heriotza berriak inskribatzeko Erregistro Zibilera jo beharko duzu eta informazio berri hori jasoko dute erregistro pertsonal elektronikoan. Ez duzu aurretiko hitzordurik eskatu behar Liburua eguneratzeko.
Erregistro Zibileko 20/2011 Legea
Araudia berriak ekarri dituen aldaketen inguruan informazio gehiago nahi izanez gero, konsultatu Erregistro Zibileko 20/2011 Legea, uztailaren 21ekoa, hemen .