Ohiko galderak

Ahalik eta lasterren eta, betiere, erreklamazioa ebatzi behar duen organoak hura jasotzen duenetik hilabeteko epearen barruan.

Ez, ez da Justizia Administrazioaren aurkako errekurtsoa, inolaz ere. Kexa aurkeztu arren, legeak ezarritako epeak eta zure auziari eragiten diotenak, ez dira atzeratuko.

Ahozko nahiz idatzizko kexak aurkez ditzakezu dagokion Fiskaltzako Fiskalburuaren aurrean, Fiskaltzaren antolamendua hierarkikoa baita.

Beheragoko mailako organo batek hartutako erabakiak maila bat goragokoak berrikus ditzake.Ez bazaude ados bake-epaileak erabaki duenarekin, apelazio-errekurtsoa jar dezakezu zure barruti judizialeko Lehen Auzialdiko Epaitegian (auzi zibila bada) edo zure barruti judizialeko Instrukzioko Epaitegian (zigor-arlokoa bada).

Ahalik eta lasterren erantzungo dizute eta 30 eguneko epean, gehienez ere.

Ez. Kexak edo erreklamazioak egitea doako izapidea da.

Eskatzen zaizun kopurua kontsigna dezakezu, zure kasua daraman Epaitegiaren Gordailuen eta Kontsignazioen Kontuan. Hala, nahiz eta zorraren kopuruarekin ados ez egon, zorra ordaintzeko borondatea agertuko duzu, baina kopurua berrikus dezaten eskatuta.

Eskatutako zenbatekoa Bake Epaitegien, Kalte-ordainen eta Bestelakoen Kontu Berezian (Banco Santanderren kontuan) sartu behar duzu. Kontu hori bakarra da Espainia osorako.

Alokairua hilero Epaitegien Gordailu eta Kontsignazioen Kontuan kontsignatzen baduzu, ordaintzeko borondatea agertuko duzu, eta etxearen errentatzaileak ezin izango du ez ordaintzeko arrazoirik argudiatu zu etxetik bota ahal izateko.