Ohiko galderak

Enkante guztiak iragarri behar dira, hortaz, epaitegiak Estatuko Buletin Ofizialean iragarri behar du. Iragarpenean enkantearen data, betearazpen prozedura daraman Bulego Judizialari buruzko informazioa, identifikazio zenbakia, ondasun mota eta Ondasunen Atarian dagokion helbide elektronikoa iragarri behar ditu.

Enkantea amaitzean, eskaintza altuena egin duenari ezik, eskaintzaileei gordailuan utzitako dirua itzuliko zaie. Diru kopuru hori gordailuan geldituko da betebeharra bermatzeko, eta kasua bada, salmentaren ordainketa egiteko.

Enkantean eskaintzak egiteko, irekitzen denetik 20 eguneko epea egongo da. Azkenengo eskaintza jaso eta ordubetera itxiko da enkantea; horrek, Legeak aurreikusitako 20 eguneko epea gehienez 24 orduz luzatzea dakar.

Enkante judizial elektronikoak aurrez aurrekoak dituen berme berdinak ditu.

Enkante elektronikoak Estatuko Buletin Ofizialaren Agentziaren Enkante Judizialen Atari Bakarraren bitartez egiten dira.

Enkante judizialek, hipotekatutako edo enbargatutako ondasunen bitartez, zordunak zorra ordaintzeko dirua eskuratzea ahalbidetzen dute.

Ezaugarri zehatzak kasuan kasuko epaitegian kontsultatu behar dira enkantearen espedientea eta oinarri zehatzak eskatuz.

Ondasuna irabazten duenak eskaini duen diru-kopurua ordaindu behar du. Ondasuna higigarria bada, 10 eguneko epea dauka ordaintzeko.