Ohiko galderak

Herritar orok eskubidea du dokumentazio guztia EAEko edozein hizkuntza ofizialetan aurkezteko epaitegi eta auzitegietan, horien artean demandak.

Bai. Babes-aginduak berekin dakar biktimari etengabe jakinaraztea inputatuaren egoera prozesala, bai eta hartutako kautela-neurrien irismena eta indarraldia ere.

Herritar orok ofiziozko abokatu euskalduna eskatzeko eskubidea du.

Ezkontza-ekitaldirako eguna eta ordua zehazteko eskaera bikotekideak (edo bietako bat, behintzat) erroldatutako herriko Erregistro Zibilean (edo Bake Epaitegian) egin behar da.

Adopzioan hartzeko prozedura bete eta inskripzioa gauzatu ostean, adopzioan hartutako seme-alabek bi hilabeteko epea dute aurreko abizenei eutsi edo berriak hartzeko erabaki dezaten.

Bai. Jatorrizko herrialdearen zigor-aurrekarien ziurtagiria aurkeztea ezinbestekoa da Espainiako nazionalitatea eskatu nahi duten adinez nagusi diren norbanako guztientzat.

Bai. Erregistro Zibiletan ematen diren ziurtagiriak pertsonen egoera zibilari buruzkoak eta legeak zehazten dituenak dira: jaiotza, ezkontza, izen-abizenak, naziotasuna, heriotza, bizi- eta egoera-agiria, tutoretza... Horiek euskaraz eska ditzake erregistrora joandako edozein herritarrek.

Zigor-aurrekarien ziurtagiria bai telematikoki, aurrez aurre edo postaz jasotzeko, 3,86 euroko tasa ordaindu behar duzu.

Hainbat dokumentuk froga dezakete norbaiten erbestea, bai nazionalak, baita nazioartekoak ere. Esanak esan, 1936ko uztailaren 18tik 1955eko abenduaren 31ra bitartean Espainiatik atera ziren espainiar guztiak erbesteratutzat jotzen dira.