Ohiko galderak

Prozedura berezia hastea eskatzeko, zordunak, hartzekodunak edo pertsonalki erantzule diren bazkideek Mikroenpresa Zerbitzu Elektronikoan eskuragarri dauden horretarako inprimaki normalizatuak bete behar dituzte online.

Kaudimengabezia izateko arriskuan, berehalako kaudimengabezian edo egungoan dagoen edozein mikroenpresak helaraz diezaioke konkurtsoa deklaratzeko eskumena duen epaitegiari prozedura berezi baten harira hartzekodunekin negoziatzen hasi dela jarraipen-plana edo martxan dabilen enpresaren likidazioa ondorio izango duen eskualdatzea adosteko xedearekin.

Prozedura berezian zordun gisa parte hartzeko, abokatuaren laguntza eta prokuradore bidezko ordezkaritza prozesala behar dira.

Mikroenpresa izateko bi eskakizun bete behar dira: alde batetik, prozedura bereziaren eskaera egin aurreko urtean batez beste 10 langile baino gutxiago eduki izana eta, bestetik, urteko negozio-bolumena 700.000 ? baino txikiagoa izatea edo pasiboa 350.000 ?-tik beherakoa izatea, eskabidea aurkeztu aurreko ekitaldian itxitako azken kontuen arabera.

Kaudimengabezia izateko arriskuan, berehalako kaudimengabezian edo egungoan dauden eta legeak ezarritako mikroenpresa izateko baldintzak betetzen dituzten zordunek prozedura honen hasiera eska dezakete. Pertsona juridikoa bada, haren administrazio-organoak egin behar du eskaera.

Mikroenpresen Zerbitzu Elektronikoaren inguruan kontsultarik edo gorabeherarik izatekotan, harremanetan jar zaitezke Service Manager (justicia.es)-en bidez.

Plataforman sartu ostean, mikroenpresentzako prozedura berezia eska daiteke. Horretarako, hor bertan dauden argibideetan adierazitako hasierako-inprimakiak bete behar dira.

Mikroenpresentzako prozedura berezian parte hartzen duten guztiak (zordunak, hartzekodunak, legezko ordezkariak, laguntzaile juridikoak, konkurtso-administratzaileak eta organo judizialak) sar daitezke zerbitzuan.

Doako Justizia eskaerak Orientazio Juridikoko Zerbitzuan aurkeztu behar dira (OJZ). Zerbitzu honek Euskadiko hiru hiriburuetan ditu bulegoak.

Hasiera batean, izapidearen iraupenak ez du garrantzirik doako laguntza juridikorako, prozesuaren fase eta gorabehera guztietan erabil daitekeelako.