Ohiko galderak

Atzerrian egindako ezkontza bat Madrilgo Erregistro Zibilean inskribatzeko ez dago epe-mugarik. Gainera, inskribatzea ez da derrigorrezkoa.

JustiziaEus-eko Aurretiko Hitzorduaren Zerbitzura jo beharko duzu. Bertan, "kontsulta edo ezeztapena" aukeran sakatu eta hitzorduaren kodea gehitu behar duzu (baieztapena egitean posta elektronikoz edo SMS bidez heldu zaizuna). Kodea idatzita, zure hitzorduaren data eta ordua ikusi ahalko duzu.

Erregistro Zibilak ez du Familia-Liburua ematen, baina, haren ordez, ezkontza edo familia ziurtagiria eskuratu ahal izango duzu.

Erregistro Zibilaren araudi berria indarrean sartu denetik, ez da Familia-Libururik emango, eta lehendik daudenak ere ezingo dira eguneratu. Trukean, jaiotza-, ezkontza- eta familia-ziurtagiriak ematen dira. Hala ere, dagoeneko jaulkita dauden Familia-Liburuek beren eragina mantenduko dute, betiere, eguneratuta badaude, ez baitira iraungitzen.

Ondasunen banaketa Erregistro Zibilean inskribatu behar da, ezkontza inskripzioarekin batera.

Zure arbasoen jaiotza-datak euren ondorengoen jaiotza-ziurtagirien bitartez bila ditzakezu. Izan ere, jaiotza-ziurtagirietan, besteak beste, gurasoen jaiotza-datak agertzen dira. Gogoratu: zure jaiotza-ziurtagiria Justizia Ministerioaren Egoitza Elektronikotik online eska dezakezu.

Zure aitona-amonen jaiotza-datak zure gurasoen ziurtagirien bidez jakin ditzakezu, jaiotza-ziurtagirietan, besteak beste, gurasoen jaiotza-datak agertzen baitira. Gogoratu: zure jaiotza-ziurtagiria Justizia Ministerioaren Egoitza Elektronikotik online eska dezakezu.

Baliteke dibortzio epaia eman zuen Lehen Auzialdiko Epaitegiak dibortzio horren berri eman ez izana zegokion Erregistro Zibilari.

Dibortzioa eman duen Lehen Auzialdiko Epaitegia da ezkontza inskribatu zenuten erregistro zibilean dibortziatu egin zaretela jakinarazi behar duena.

Nahi beste ziurtagiri eska daitezke  Erregistro Zibilean.  Zenbait kasutan, denbora-tarte labur batean pertsona berdinari buruzko 10 eskaera jasoz gero, eskaera bertan behera gelditzen da, akats bat  izan daitekeelako. Hala ere, ezinbestean beste kopia bat behar baduzu, Justizia Ministerioaren Egoitza Elektronikoaren bidez eska dezakezu arazo gabe.