Eduki nagusira joan

Justizia Administrazioa Euskadin

Justizia Administrazioa Euskadin - Administración de Justicia en Euskadi
Hemen zaude: Hasiera > Profesionalak

Justiziako profesionala

Zer da JustiziaSip?

Profesionalentzako Informazio Zerbitzua (JustiziaSIP), profesionalei zuzendutako web ataria da, EAEko organo judizialen auzien egoera denbora errealean kontsultatzeko. Zerbitzua plataforma seguru batean dago eta operadore juridikoek eta organo judizialek informazioa modu seguruan trukatzeko balio du.

JustiziaSIP-ek hurrengo zerbitzuak eskaintzen ditu: 

  • Jakinarazpenak jaso.
  • Idazkiak aurkeztu.
  • Dekanotzaren banaketak: datak, motak, organoak...
  • Izapidetzen dauden auziak: faseak, parte-hartzaileak, aurkeztutako idazkiak, jakinarazpenak...
  • Ikustaldiak eta seinalamenduak: ordutegiak, salak, deitutako pertsonen zerrendak…
  • Beste barruti judizialetan dauden datuak.
  • Ordezkapenak kudeatzeko aukera.

Informazio gehiago nahi baduzu, JustiziaSip-eko gidaliburua kontsulta zenezake.

Gora itzuli

Zer egin behar dut profesionalen Estranetera eta Justiziasip-era sartzeko?

Profesionalen estranetera sartzeko gutxieneko baldintza tekniko batzuk bete behar dituzu (sistema eragilea, instalazio-kita, Java bertsioa, txartel-irakurgailua…), ziurtagiri digitala izan behar duzu eta sisteman alta ematea eskatu behar duzu. 

Jarraian, profesional-taldearen arabera eman behar diren urratsak azalduta daude:

Laguntza behar izanez gero, SAP-era jo: sap@justizia.eus / 945 56 37 27 (astelehenetik ostiralera 8:00etatik 20:00etara. Ordutegi horretatik kanpo, posta elektronikoa erabili behar da).
 

 

Gora itzuli

Konfiguratu zure ekipoa profesionalen Estranetera eta Justiziasip-era sartzeko

Profesionalen Estranetera eta JustiziaSipera sartzeko gutxieneko eskakizun batzuk bete behar dituzu eta konfigurazioa egokitu behar duzu (sistema eragile eta nabigatzaile-bertsio zehatza, erabiliko duzun txartelaren araberako instalazio kita, Idazki Desktop instalatu…).

Profesionalen Estranetean gutxieneko eskakizunei eta zure ekipoa konfiguratzeari buruzko informazio zehatza daukazu.

Laguntza behar izanez gero, SAP-era jo: sap@justizia.eus / 945 56 37 27 (astelehenetik ostiralera 8:00etatik 20:00etara. Ordutegi horretatik kanpo, posta elektronikoa erabili behar da).

  • Liburutegian erabiltzailearentzako gidak eta gidaliburuak aurkituko dituzu.

Gora itzuli

Nola lor dezaket txartel elektroniko digitala?

Eusko Jaurlaritzaren Izenpe ziurtagiri digitala eskuratzeko, hitzordua eskatu behar duzu  hurrengo telefono zenbakian: 902 542 542. Honi buruzko informazio gehiago behar baduzu, www.izenpe.es atarira jo.

Profesionalen Elkargoan ere eska dezakezu txartela.

Gora itzuli

Zer egin ziurtagiri digitalarekin arazoak izanez gero?

Sartu profesionalen Extraneteko Sartzeko arazoak al dituzu? atalean. Bertan, arazoak detektatzeko eta konpontzeko erak azalduta daude.

Gora itzuli

Zer egin txartel elektroniko digitala galduz gero?

Profesionalen Elkargora jo dezakezu. Han arduratuko dira txartel berria emateaz eta lehengoari baja emateaz.

Gora itzuli

Idazki bat euskaraz aurkeztu nahi duzu?

Hizkuntz Normalizazio Taldeak epaitegietan idazkiak euskaraz aurkeztu nahi dituzten abokatuei zuzendutako hainbat dokumentu eredu prestatu ditu. Eredu guztiak Word formatuan daude eta liburutegian aurkituko dituzu, eta euskaraz edo ele bietan inprimatu ditzakezu.

Horrez gain, Justizian lan egiten dugun profesionalek euskaraz lan egiteko e-Toolbar lan-tresna ere badaukate. Demandak, aurkaratzeak, eta gainerako idazkiak modu azkarrean aurkeztu ahal izateko garatutako aplikazioa da, eta oso erraz instalatzen da. 

e-Toolbar aplikazioari buruzko informazio gehiago behar baduzu, erabiltzailearen gidaliburua begiratu dezakezu; edo bestela, Lan eta Justizia Saileko Epaibi arloak prestatutako azalpen-bideoa ikus dezakezu.

Gora itzuli

Zer ondorio ditu abokatu, prokuradore eta gizarte-graduatuentzat Bulego Judizial Berriak?

BJB ezartzeak zertan eragingo dizun jakin nahi baduzu, sar zaitez Profesionalen Extranetean. Bulego Judizial Berriari eskainitako atal berria duzu eskura.

Gora itzuli

Nola sartu EAEko Justizia Jauregietan

Euskadiko Justizia Auzitegien egoitzetara sartu beharra duten abokatuek ez dituzte  herritarrentzat ezarritako segurtasun kontrolak pasa behar izango. Horretarako NAN txartela edo lanbidea egiaztatzen duen txartela eraman beharko dute.

Abokatuak justizia jauregietara sartzeko prozedura berria ikusi.

Gora itzuli

Nola eska dezaket informazioa Bulego Judiziala ezarrita dagoen barrutietako egoitza judizialetan?

Araba/Álava, Bizkaia eta Gipuzkoako Profesionalen Elkargoen kideek informazio eskaerak posta elektronikoz egin ditzakete Bulego Judiziala ezarrita dagoen barrutietako egoitza judizialetan, eta horretarako gaitu diren eskabide-orriak erabili beharko dira.

Momentuz zerbitzu hau honako barruti judizialetan egongo da erabilgarri, eta honako hurrengo posta elektroniko helbideak erabiliz:

Amurrio: Info-justizia-amurrio@justizia.eus

Azpeitia: Info-justizia-azpeitia@justizia.eus

Balmaseda: Info-justizia-balmaseda@justizia.eus

Bergara: Info-justizia-bergara@justizia.eus

Eibar: Info-justizia-eibar@justizia.eus

Durango: Info-justizia-durango@justizia.eus

Gernika: Info-justizia-gernika-lumo@justizia.eus

Getxo: Info-justizia-getxo@justizia.eus

Irún: info-justizia-irun@justizia.eus

Tolosa: Info-justizia-tolosa@justizia.eus

Lortu inprimakia lotura honen bidez:

Informazio partikularraren eskaera.

Informazioa denbora errealean online jaso daiteke JustiziaSip aplikazioaren bitartez. Aplikazio hau Profesionalen Extranetean dago.

Gora itzuli