Eduki nagusira joan

Justizia Administrazioa Euskadin

Justizia Administrazioa Euskadin - Administración de Justicia en Euskadi
Hemen zaude: Pribatutasuna

Pribatutasuna

Informazio-eskubidea

Datu Pertsonalen Babesari buruzko abenduaren 13ko 15/1999 Lege Organikoan (DPLO aurrerantzean) ezarritakoarekin bat, Euskadiko Justizia Administrazioak, JustiziaEus webgunearen titularrak, jakinarazten dizu Administrazio honek bere erantzukizunpean sortutako datu pertsonalen fitxategi automatizatu bat dagoela.

Helburua

Euskadiko Justizia Administrazioari ematen dizkiozun datuen helburua da zure eskaria kudeatzea, eskatzen dituzun informazioa eta/edo zerbitzuak ematea eta zerbitzu berriak eskaini ahal izatea.

Erabiltzailearen baimena

Aipatutako inprimakiak erabiliz gero, edo kontsultaren bat egiteko mezu bat bidaliz gero, aurrez adierazitako komunikazio-bideetan sartutako datuen tratamendu automatizatua onartzen duzu. Datuak ez zaizkie hirugarrenei lagako.

Aurkakoa adierazten den eremuetan izan ezik, zure datu pertsonalei buruz eskatutako informazioa ematea borondatezkoa izango da. Nolanahi ere, informazio hori emateari uko egin arren, horrek ez dio eragingo eskatutako zerbitzuen kalitateari edo kantitateari.

Datu-bilketa

JustiziaEus atariaren erabiltzaileen trafikoa neurtuko da, eta, beraz, atarian sartuz gero, zuri buruzko hainbat datu jasoko dira: kokalekua, erabilitako nabigatzailea, etab.

JustiziaEusen sartzeak cookieak erabiltzea ekar dezake (bisitatutako orrialdeen hobespenei eta/edo erregistroei buruz ordenagailuan sortzen diren artxiboak). Cookiek biltegiratutako informazioak zu identifikatzeko eta zure hobespen pertsonalak nahiz bestelako informazio teknikoak gordetzeko aukera emango du. Nolanahi ere, cookieak jaso nahi ez badituzu edo cookieak zure ordenagailuan biltegiratu aurretik jakinaraztea nahi baduzu, nabigatzailea horretarako konfigura dezakezu.

JustiziaEusen bidez bertan argitaratutako berriei buruzko iruzkinak bidali ahal izango dituzu zure helbide elektronikoa sartuz gero. Egindako iruzkin bakoitzeko zure ordenagailua identifikatuko duen IP helbidea biltegiratuko da.

Erabiltzaileen sarbide-, zuzenketa-, aurkakotasun- eta baliogabetze-eskubideak

Erabiltzaileak nahi duenean egikari ditzake bere sarbide-, zuzenketa-, aurkakotasun- eta baliogabetze-eskubideak bere datu pertsonalak tratatzerakoan, DBLOan aurreikusitako eran eta baldintzetan. Erabiltzaileak baja ematea erabakitzen badu, bere datuak baliogabetu egingo dira.

Lehen aipatutako eskubideak egikaritzeko honako helbide elektronikoa erabili ahal izango du justiziaeus@justizia.eus

Bermeak

Euskadiko Justizia Administrazioak jasotako izaera pertsonaleko datuak isilpean gordetzeko eginbeharra betetzeko konpromisoa hartzen du. Halaber, datu horien aldaketa, galera, baimenik gabeko tratamendu edo sarbidea saihesteko beharrezkoak diren neurriak hartzeko konpromisoa hartzen du. Horrez gain, datu horien isilpeko tratamendua ziurtatzeko egoki diren neurriak bermatzen ditu.

Pribatutasun-politikaren aldaketa

Euskadiko Justizia Administrazioak pribatutasun-politika hau aldatzeko eskubidea beretzat gordetzen du etorkizuneko lege- edo jurisprudentzia-berrikuntzei egokitu ahal izateko.

Segurtasuna

Euskadiko Justizia Administrazioaren webguneak badu datu pertsonalak babesteko segurtasun-maila, izaera pertsonaleko datuak dituzten fitxategi automatizatuen segurtasun-neurriei buruzko ekainaren 11ko 994/1999 Errege-Dekretuak zehazten duenarekin bat datorrena. Horrez gain, eskura dituen baliabide tekniko guztiak ezarri ditu erabiltzaileak webgunearen bidez ematen dituen datuen galera, erabilera desegokia, aldaketa eta baimendu gabeko sarbidea saihesteko.

Halaber, fitxategi automatizatuan gordetako datu pertsonalei buruzko isilpe- eta konfidentzialtasun-betebeharra betetzeko konpromisoa hartzen du, aplikatu beharreko legeriarekin bat, eta gerta litezkeen lagapenetan tratamendu ziurra bermatzen du.

Izaera pertsonaleko datuen babesari buruzko edozein gairi dagokionez, honako helbide elektronikoaren bidez jar zaitezke harremanetan gurekin justiziaeus@justizia.eus.

Gune honetara sartzeak pribatutasun politika onartzea dakar berekin.