Eduki nagusira joan

Justizia Administrazioa Euskadin

Justizia Administrazioa Euskadin - Administración de Justicia en Euskadi
Hemen zaude: Justizia > Justizia elektronikoa > AJEEBT eta Justizia Digitalaren Batzordea

AJEEBT eta Justizia Digitalaren Batzordea

 
CTEAJE

Zer da AJEEBT

Justizia arloko administrazio ezberdinek ez dituzte sistema eta aplikazio informatiko berdinak erabiltzen. Aplikazio horien arteko bateragarritasuna eta elkarreragingarritasuna eta administrazio ezberdinen arteko elkarlana bermatzeko helburuarekin, 2013an Administrazio Judizial Elektronikoaren Estatuko Batzorde Teknikoa sortu zen (AJEEBT).

Gora itzuli

Araudia

  • 18/2011 Legea, uztailaren 5ekoa, Justizia Administrazioan Informazio eta Komunikazio teknologien Erabilpena Arautzen duenak, sortzeko beharra jaso zuen.
  • 396/2013 Errege Dekretua, ekainaren 7koa, Administrazio Judizial Elektronikoaren Estatuko Batzorde Teknikoa arautzen duena.
  • 30/1992 Legea, azaroaren 26koa, herri administrazioen araubide juridikoaren eta administrazio prozedura erkidearena. Kooperazio-organo administratiboa denez, arestian aipatutako araudiek arautu gabeko kasuetan, Lege horrek arautzen du.

Gora itzuli

Helburua

Justizia elektronikoaren arloan estatu mailako kontsulta organoa izan eta elkarlana bultzatzeaz gain, bere betebehar nagusia Elkarreragingarritasun eta segurtasun Eskema judizialaren garapenerako oinarriak ezartzea da. Alegia, informazioaren eta formatu eta aplikazioen zaintza, normalizazioa eta segurtasuna bermatzeko irizpide sorta, elkarreragingarritasuna bermatzeko Administrazio publikoek hartzen dituzten erabaki teknologikoetan kontutan hartzekoak.

CTEAJE EJIS

 

Gora itzuli

Parte hartzen duten erakundeak

AJEEBT osatzen duten organoak hurrengoak dira: Botere Judizialaren Kontseilu Nagusia, Estatuko Fiskaltza Nagusia, Justizia Ministerioa eta Justizia arloan eskumenak dituzten Autonomia Erkidegoak. Erakunde horiek euren eskumenei dagokienez subiranoak dira eta bakoitzak bere sistema informatikoak garatu ditu. Hori dela eta, datuen eta informazioaren trukaketa finkatzea zailagoa da.

Zenbait lantaldetan Justizia Administrazioko Letraduen Kidegoko kideek ere parte hartzen dute.

Gora itzuli

Antolaketa

AJEEBTk organo ezberdinak ditu: Osokoa, Batzorde Iraunkorra, Presidentetza eta Idazkaritza Nagusia.

Gainera, Bulego Teknikoa ere badu; bulego horren ardura Elkarreragingarritasun eta segurtasun eskema judizialaren (EJIS) oinarriak onartzea izango da.

Batzordeak Lantaldeak ditu. Lantalde horiek Administrazio interesdunek eta erakunde laguntzaile edo kontratatuek jarritako bitartekoekin moldatuko dira.

Gora itzuli

Euskadi AJEEBTn

Gaur egun zortzi Lantalde eta bi Topagune daude lanean. Euskadik horietako lautan parte hartzen du:

Gora itzuli