Eduki nagusira joan

Justizia Administrazioa Euskadin

Justizia Administrazioa Euskadin - Administración de Justicia en Euskadi
Hemen zaude: Zerbitzuak eta izapideak > Herritarrentzako arreta > Herritarrentzako arretari buruzko ohiko galderak

Herritarrentzako arretari buruzko ohiko galderak

Nola jakin dezaket zer barruti judizialetan dagoen udalerri bat?

Barruti judizialak Justizia Administrazioaren lurralde-banaketa txikiena dira. Udalerri bat edo mugakideak diren eta probintzia berean dauden hainbat udalerri biltzen dituzte.

Gaur egun Euskadin dauden 14 barruti judizialek zer udalerri biltzen dituzten jakiteko, JustiziaNet-en kontsulta dezakezu.
 

Gora itzuli

Zeintzuk dira arreta emateko buelgoen lege-euskarriak?

Herritarrei arreta emateko zerbitzuak 1985eko Botere Judizialaren Lege Organikoko (pdf, 1,8 MB) 272. artikuluan eta 2005eko Jarduera Judizialen Alderdi Osagarriei buruzko Erregelamenduaren 97. artikuluan daude aurreikusita.

Horrez gain, Herritarrek Justiziaren aurrean dituzten Eskubideen Gutunak (pdf, 55 KB), bulego horiek sortzea eta materialez hornitzea, eta Espainia osoan zabaltzea aurreikusten du.

Gora itzuli

Zer dira arreta emateko bulegoak?

Justizia Jauregietan egoten dira eta bertako langileek Justizia Administrazioarekin harremanetan jartzen diren pertsonei informazioa ematen diete, bai harremana organo edo zerbitzu judizial batek eskatuta hasten bada, bai herritarren ekimenez hasten bada ere. Zalantzak argitzen dizkiete eta nora joan behar duten adierazten diete.

Era berean, abokatuen edo prokuradoreen ordezkaritzarik behar ez duten inprimakiak edo eskaerak betetzeko informazioa ematen diete.

Bulego horietan eskaintzen den informazioa ez da aholkularitza juridikoa izaten, legezko prozedura posibleei eta organo eskudunei buruzko informazio orokorra baizik, lege-prozedura horien berri eman eta ebazten laguntzeko.

Gora itzuli

Erreklamaziorik jar dezaket?

Justizia Administrazioaren funtzionamenduan akatsak gertatzen direnean erreklamazioak eta iradokizunak egiteko duzun eskubidea Herritarrek Justiziaren aurrean dituzten Eskubideen Gutunean (pdf, 55 KB) jasota dago.

Gora itzuli

Non daude kokatuak?

Barruti judizial guztiek dute herritarrei arreta emateko zerbitzu bat; batzuek, berariaz horretarako jarritako bulego batean eta, beste batzuek, aldiz, Zerbitzu Erkidearen (Dekanotzaren) bidez.

Gora itzuli

Zer arauk gobernatzen dute erreklamazioak jartzeko modua?

Era horretako erreklamazioak gobernatzen dituzten arauak bi dira funtsean: Epaitegien eta Auzitegien funtzionamenduari dagozkion erreklamazioak eta salaketak izapidetzeari buruzko 1/1998 Erregelamendua, eta Botere Judizialaren Kontseilu Nagusiaren 1/1999 Instrukzioa, erreklamazioak izapidetzeko eta aldez aurretik herritarrei informazioa emateko zerbitzuen protokoloak eta izapideen inprimakiak onartzen dituena.

Gora itzuli

Horrez gain, beste akzioren bat egin al dezaket?

Bai, erreklamazio hau aurkezteak ez baitie prozedura bakoitzean balia ditzakezun gainerako akzioei edo eskubideei eragiten.

Jarritako erreklamazioak ezingo dira aintzat hartu ondorengo kasuetan:

  • Zure kexak epaile, magistratu edo funtzionario baten diziplinako arau-hauste bati egiten badio erreferentzia.
  • Epaile edo magistratu baten aurkako salaketa aurkeztu nahi izanez gero, Botere Judizialaren Kontseilu Nagusiko Diziplina Batzordean aurkeztu beharko duzu.
  • Funtzionario baten edo Justizia Administrazioaren zerbitzura dagoen langileren baten aurkako salaketa bada, Justizia Auzitegi Nagusia, Justizia Ministerioa edo Eusko Jaurlaritza izango dira erakunde eskudunak.
  • Erreklamazioa epai baten edukiari edo beste ebazpen judizial bati buruzkoa bada.
  • Epai batekin ados ez bazaude, errekurtso bat jar dezakezun edo ez jakiteko informazioa lortu beharko duzu eta hala, bada, prozedura-legeek zein epe eta modu aurreikusten dituzten.

Gora itzuli

Erreklamazio hau errekurtso bat al da?

Ez, ez da Justizia Administrazioaren aurkako errekurtsoa, inolaz ere. Kexa aurkeztu arren, legeak ezarritako epeak eta zure auziari eragiten diotenak, ez dira atzeratuko.

Gora itzuli

Noiz erantzungo didate?

Ahalik eta lasterren eta, betiere, erreklamazioa ebatzi behar duen organoak hura jasotzen duenetik hilabeteko epearen barruan.

Gora itzuli

Nola jarri dezaket erreklamazio bat?

  • Inprimakia betez; inprimaki hori Justizia Administrazioaren egoitzetan egongo da, ikusteko moduan eta behar bezala adierazita.
  • Justiziari buruzko www.justizia.net atarian sartu eta webguneko inprimakian agertzen diren eremuak beteta.

Gogoan hartu legeak erreklamazioak idatziz edo bide telematikoz aurkeztea eskatzen duela, eta zure datu pertsonalak adierazi behar dituzula, nortasunari buruzkoak eta harremanetan jartzekoak.

Epaile dekanoak kexa izapidetuko du eta beharrezkotzat jotzen dituen neurriak hartuko ditu.

Nolanahi ere, organoak kexa jaso eta 48 ordu igaro baino lehen, kexa jaso izanaren adierazpena jasoko duzu.

Pertsona interesdunari organo judizialak erabakitzen duena jakinaraziko zaio eta pertsona horrek une oro izango du bere erreklamazioaren izapideak zertan diren jakiteko eskubidea.

Gora itzuli

Non jarri dezaket erreklamazio bat?

  • Epaitegian edo auzitegian (Herritarentzako informazio bulegoan).
  • Herritarrei arreta emateko bulegoetan.
  • EAEko Justiziari buruzko atariaren bidez: www.justizia.net.

Gora itzuli

Zer motatako informazioa ematen dute?

Arreta emateko bulegoetan, informazio orokorra eska dezakezu:

  • Organo judizial bat edo Justizia Administrazioarekin lan egiten duen erakunderen bat non dagoen edo zer funtzio dituen jakin nahi izanez gero, batez ere, zu zauden egoitzakoak.
  • Arlo judizialean jardueraren bat egiteko asmoa baduzu, indarrean dagoen araudiaren arabera bete behar dituzun baldintzak eta prozedura judizial mota bakoitzaren ezaugarriak, oro har.
  • Zu zauden egoitzako organo judizialen artean auziak zehazki nola banatzen diren, eta banaketa hori zer-nolako arauen arabera egiten den jakin nahi izanez gero.
  • Publikoa izateagatik egintza judizialen bat ezagutzeko modukoa baldin bada, egintza hori non eta noiz egingo den, eta interesgarri izan daitezkeen beste datu batzuk ere bai.

Justizia Administrazioarekin duzun harremanean beharrezko izan ditzakezun bestelako datuak ere eskatu ahal izango dituzu, betiere, aholkularitza juridikotik eta abokatuaren lanetik kanpoko zerbait bada.

Gogoan hartu ezin izango zaizkizula pertsonen ohoreari, intimitateari edo irudiari eragiten dieten datuak eman eta, kasu batzuetan, jarduerak aldi baterako sekretupean egoten direla eta aldi horretan ezin dela informazio zehatzik eskaini.

Informazio partikularra ere eska daiteke, izapidetze-prozesuan dagoen prozedura baten egoerari buruzkoa, edo prozedura hori izapidetzen ari diren Justizia Administrazioko pertsonak (Epailea, Justizia Administrazioaren letradua, funtzionarioak) identifikatzeko asmoz.

Informazio hori, hala ere, prozesuarekin zerikusiren bat dutenei bakarrik emango zaie (prozesuaren parte direnei, abokatuei, prokuradoreei eta abarri), aldez aurretik beharrezko diren ziurtagiriak aurkeztuta.

Gora itzuli