Peritu-txostenak bidal ditzaket JustiziaEus atariaren bidez?

Aditu-irizpenak arlo zientifikoan, artistikoan, teknikoan edo praktikoan jakitunak direnek egindako txostenak dira. Haien helburua, prozesu baten inguruko gertakari garrantzitsuak azaltzea eta balioestea da.

Gaur egun, JustiziaEus ez da bide egokia horrelako txostenak bidaltzeko. Beraz, gomendagarriena dagokizun bulegoarekin zuzenean harremanetan jartzea da, zer egin behar duzun azal diezazuten. Izapidea errazteko, JustiziaEus webgunean eskuragarri daukazu Euskadin dauden Erregistro Zibil eta Bake Epaitegi guztiekin harremanetan jartzeko datuak dituen bilatzailea.