Noiz aurkez dezaket salaketa bat telematikoki?

Salaketak telematikoki aurkeztu ahal dira, baina soilik delitu-tipologia eta egoera zehatz batzuen kasuan. Telematikoki salaketa aurkeztu ahal izateko nahitaezkoa da balioduna den ziurtagiri elektronikoa izatea.

Salaketa telematikoki aurkeztu ahal izango da, delitu hauetako bat salatu nahi denean:

1. Agiriak, ondasunak edo dirua lapurtzea, baldin eta pertsonengan indarkeriarik, larderiarik edo gauzetan indarrik izan ez bada.
2. Ondasunetan izandako kalteak, lapurreten edo lapurreta-saiakeren ondorioz gertatu ez badira.
3. Kreditu-txartelean edo zordunketa-txartelean iruzurrezko karguak. Kreditu-txartelean edo zordunketa-txartelean baimendu gabeko karguen bidez banku-kontuan gastuez ohartzen garenean bakarrik.

Delitu horietako bat salatu nahi denean, ezin izango da salaketa aurkeztu, baldin eta delitu-egintzak inguruabar hauetako bat badakar: gertaerak Euskal Autonomia Erkidegotik kanpo gertatu badira; egilea identifikatuta badago, ezaguna bada edo fisikoki onar badezake; egitateak indarkeria fisikoa edo larderia erabiliz gertatu badira, edo sexu izaera badaukate edo bereziki larriak badira; egintzaren inguruabarrengatik nahitaezkoa bada poliziak ebidentziak jasotzeko esku-hartzea; edo delitua ikus zezaketen lekukoak daudela jakinez gero.

Gainera, salaketa sinatu aurretik, ziurtatu behar diren datu guztiak sartu dituzula. Telematikoki ezin daiteke salaketa aldatu edo handitu.

Informazio gehiago nahi izanez gero, Euskadi.eus webgunea kontsulta dezakezu.