Nire zigor-aurrekariak ezeztatzeko eskaera egin dut, noiz ezabatuko dira Zigortuen Erregistro Zentralean?

Zigor-aurrekariak ezerezteko eskaera egin ondoren, eskaera hori izapidetzeko epea hiru hilabetekoa da. Epe hori igarotakoan, baliogabetzea baietsitzat jo ahal izango da, berariazko ebazpenik izan gabe.

Hala ere, ebazteko epea eten egingo da organo judizialari zigor-erantzukizun zein egunetan iraungi zen kontsultatu behar zaionean, hori ezinbestekoa baita ezerezte-epeak zenbatzen hasteko.

Espedientearen ebazpena bukatutakoan, postaz jakinaraziko zaio eskabidean adierazitako helbidera. Era berean, Justizia Ministerioaren Egoitza Elektronikoan ere eskuragarri utziko da.