Hasiera batean, izapidearen iraupenak ez du garrantzirik doako laguntza juridikorako; izan ere, prozesuaren fase eta gorabehera guztietan erabil daiteke, betearazpena, errekurtsoak aurkeztea eta horien ondoriozko izapideak barne. Are gehiago, errekurtsoa ebazteko eskumena beste herri batean dauden organo judizialei dagokienean, baliteke egoitza horretan diharduen abokatua edo prokuradorea izendatzea gainontzeko faseetan doanik parte hartu duenaren ordez, baina aldaketak ez du laguntza juridikoa jaso duenak ordaindu beharko. Haatik, ezin da eskubidea erabili beste edozein prozesutan, nahiz eta biak aldi berean izapidetu.

Informazio gehiago nahi baduzu, jo JustiziaEus atariko Doako justizia atalera.