Justizia Administrazioa Euskadin

Lan-poltsak arautzeari buruzko oharra

Justiziako Mahai Sektoriala Bildu zen, azaroaren 25ean, eta Administrazio honek lan-poltsak arautzeari buruzko akordio bat lortu zuen ELA eta CCOO sindikatuekin. Ondorioz, aipatutako akordioa sinatu ondoren, Justizia Administrazioko Zuzendaritza honek akordioa izapidetzeari ekin dio, berau 2020ko lehen hiruhilekoan indarrean jarri ahal izateko.

Zerbitzu berriak Enplegu Publikoaren Atarian lan poltsetako langileentzat

2019ko uztailaren 1etik, Enplegu Publikoaren Atarian zerbitzu berriak daude eskuragarri Administrazio Orokorreko, Justiziako eta/edo Segurtasuneko poltsetako langileentzat.

Atari berria abian jartzeak aldaketak ekarriko ditu lan-poltsak kudeatzen dituen organoarekin harremanetan jartzeko moduan.

Zerbitzu berriak izango dituzu eskura:

• Lan-eskaintza baten espezifikazioen simulazioa egin dezakezu, eta sistemak egun horretan aurretik dituzun pertsonen kopurua adieraziko dizu. Espezifikazioak aldatuz gero, gehien komeni zaizkizunak ikusi ahal izango dituzu.
  
  Zauden lan-poltsa bakoitzean egin diren azken kontratazioak kontsultatu ahal izango dituzu. Informazio horrekin, kontratatzeko zer aukera dituzun jakin ahal izango duzu.
  
  Zure lan-poltsen datu eguneratuak zehatz-mehatz kontsultatu ahal izango dituzu (Administrazio Orokorrekoak, Justiziakoak eta Segurtasunekoak).
  
  Poltsa bakoitzean zein datu dauden ikusi ahal izango duzu, eta zure egungo egoerarekin bat ez badatoz, aldatu egin ahal izango dituzu.
• Aurrerantzean, honako kudeaketa hauek online egin ditzakezu, zeure burua ziurtagiri digital batekin eta sinadura elektronikoarekin identifikatuta.

Gerora, zerbitzu eta aukera gehiago ere jarriko dira (webgunean iragarriko dira). Lor ezazu lehenbailehen ziurtagiri digitala. B@kQ ziurtagiri digitala erabiltzea gomendatzen dizugu, erraza baita lortzen eta erabiltzen.

• Euskadiko Enplegu Publikoaren Atarian sartu.
• Sartzeko arazoak al dituzu? “Ohiko galderak” atalean informazio guztia daukazu.

Lan-poltsako kideei berariaz zuzendutako Antolaketa Judizialeko online ikastarorako automatrikula zabalik

Justizia Administrazioko Zuzendaritzak Antolamendu Judizialari buruzko ikastaroa eskaintzen du, on-line modalitatean, lan-poltsetan daudenentzat, beren-beregi.

Lan-poltsetan daudenen behin betiko zerrendak eta datorren formakuntza-ikastaroa

Lan-poltsetan daudenen behin betiko zerrendak argitaratu ostean, datozen egunetan deialdia egingo da Antolaketa judiziala deritzon formakuntza ikastarorako, eta ikastaroa derrigor egin beharko dute lanean aritu ez direnek (2010eko irailaren 16ko Agindua, Justizia eta Administrazio Publikoko Sailburuarena, bitarteko funtzionarioak hautatu, proposatu eta izendatzeari buruzkoa, zertarako eta Mediku Forentseen Kidegoaren eta Kudeaketa Prozesal eta Administratiboko, Izapidetze Prozesal eta Administratiboko eta Laguntza Judizialeko Kidegoen lanpostuak betetzeko). Ikastaro honen deialdia Justiziako webean (www.justizia.eus) egingo da.

Lan poltsetan onartutakoen behin betiko zerrendak

Kudeaketa Prozesal eta Administratiboaren kidegoko, Izapidetze Prozesal eta Administratiboaren kidegoko eta Laguntza Judizialeko kidegoko lan-poltsak osatzen dituztenen behin betiko zerrendak onartu dira.