Justizia Administrazioa Euskadin

Bulego Judizialak Epaitegi eta Auzitegien egitura aldatu du eta bi unitate ditu:

• Zerbitzu prozesal erkideak, hiru bereizten dira:

- Orokorrak: erregistro eta banaketaz, komunikazio-egintzetaz eta bestelako eginkizunetaz arduratuko da. 
- Betearazpenekoa: Ebazpen bat betearazteko espediente judizialak jaso eta izapidetzeko ardura izango du.
- Prozedura antolaketakoa: gai judizialak izapidetzeko ardura izango du, prozedura judizialaren behin betiko epai edo ebazpen irmoa eman arte.

Hiru zerbitzu handi hauek hiru hiriburuetan eta Barakaldon bakarrik egongo dira; gainontzeko barruti judizialetan, berriz, erabilgarri dauden baliabideen zentzuzko erabileraren irizpideei erantzuna emanez, Zerbitzu Prozesal Erkide batean edo bitan elkartuko dira.

• Zuzeneko Laguntza emateko Unitate Prozesalek (ZULUP) epaile eta magistratuei berezkoak zaizkien funtzioen egikaritzan laguntzen diete. 

Bulego Judizial berria ezartzen den barruti judizialetako Justizia Administrazioko langileak, lan-lekuen arabera antolatutako lanpostuen zerrendaren arabera antolatuko dira.

• ZULUP: barruti judizial bakoitzeko ZULUP-ak lan-leku bakar batean kokatuko dira. ZULUP bakoitzak Justizia Administrazioaren letradu bat edukiko du, nahiz eta zerbitzua arrazionalizatzeko zioak direla medio, Justizia Administrazioaren letradu bat ZULUP batean baino gehiagotan aritu ahal izango den. Horrez gain kudeatzaile eta izapidegile kopuru mugatua izango du (urrian 18ko JUS/3244/2005 agindua).
• ZPE: ZPE bakoitza lan-leku bakarra da. ZPE bakoitzaren burua Justizia Administrazioaren letradu bat izango da; horrez gain, bertan izango dira: kudeatzaile arduradun bat edo gehiago, eta kudeatzaile, izapidegile eta Laguntza Judizialeko Kidegoko funtzionario kopuru mugatua. Azken hauek normalean Zerbitzu Prozesal Erkideetan lan egingo dute. ZPEtan letradu-zuzendariaz gain, Justizia Administrazioaren letraduak ere egon ahal izango dira, prozesu-funtzioak betetzeko.

Zerbitzu Prozesal Erkideek, bada, bi figura berri dituzte: Justizia Administrazioaren letradu zuzendaria, eta zerbitzu erkidearen kudeatzaile-arduraduna Letradu-zuzendariak zerbiztua kudeatuko du, eta kudeatzaile-arduradunak, letradu zuzendariaren menpe egonda, zeregin horretan lagunduko dio. Kudeatzaile arduradunak, zerbiztua kudeatuko du, hierarkian nagusia denaren  zuzendaritzapean.

BJBren ezarpenaren arrakasta, Justizia Administrazioan lan egiten duten pertsonek antolamendu eredu berrira egokitzeko beharrezkoak diren ezagupenak izatean datza. Hori dela eta, prestakuntza emango da:

- Langile guztientzako prestakuntza: Bulego Judizial Berria, Prozesu-legedia eta talde-lana. 
- Kudeatzaile arduradunentzako prestakuntza berezia: lidergoari buruzkoa.

Euskadiko Zerbitzu Erkide Prozesalak kalitatea bermatzeko bereziki  diseinatutako  kudeaketa sistema baten parte dira.