Justizia Administrazioa Euskadin

2013an, 1.180 aldiz aritu zen organo judizialen itzulpengintza- eta interpretazio-zerbitzua. Alegia, aurreko urtean baino % 14,8 gehiago.

Aipatutako 1.180 lanak 762 prozedura judizialetan egin dira –551 idatziz eta 211 ahoz–. Zerbitzuak egindako lan gehienak idatzizko dokumentuen itzulpenak dira (zehazki, % 78,9) eta gainerakoak (% 21,1) ahozko prozeduretako lanak izan dira.

Itzulitako dokumentu gehienak instrukzioko epaitegietatik datoz. Ondoren, administrazioarekiko auzien epaitegitik eta lan-arloko epaitegitik.

Lurraldearen arabera, Bizkaiak bidali ditu itzultzeko idatzizko dokumentu gehien. 
 

Itzulpen-motari erreparatuta, hau da, gaztelaniara edo euskarara itzultzen den, dokumentu gehienak euskaratik gaztelaniara itzultzen dira.

2013an, itzulpengintza- eta interpretazio-zerbitzuak 248 aldiz aritu dira ahoz.

Lurraldearen arabera, Gipuzkoak eskatu ditu itzulpengintza- eta interpretazio-zerbitzu gehienak ahozko prozeduretan.
 

Itzulpengintza eta Interpretazio Zerbitzua

Organo judizialen itzulpengintza- eta interpretazio-zerbitzuak bi zeregin nagusi ditu:

• Batetik, organo judizialetatik eta prozedura judizialean parte hartzen duten aldeetatik datozen dokumentuak itzultzea.
• Bestetik, adierazpen, epaiketa, zinpeko epaimahaietako aurkezpen, adingabeen miatze, eta abarretan interpretazio-lanak egitea.

Zerbitzu honen bidez, Eusko Jaurlaritzak epaitegietan bi hizkuntza ofizialak erabiltzeko eskubidea bermatzen die herritarrei.

Eusko Jaurlaritzak 1,3 milioi euro bideratuko ditu 2014an Justizia Administrazioko langileen hizkuntza-normalizaziora, herritarrek euskaraz egiteko eskubidea berma dadin.