Eduki nagusira joan

Justizia Administrazioa Euskadin

Justizia Administrazioa Euskadin - Administración de Justicia en Euskadi
Hemen zaude: Albisteak

Albisteak

Abokatuak eta presoak bideokonferentziaz komunikatu ahal izango dira

2021(e)ko apirilaren 22a

Ordenagailu eramangarri bat eta entzungailu batzuk mahai batean

Espainiako Abokatutzaren Kontseilu Nagusia eta Espetxeetako Idazkaritza Nagusia akordio batera iritsi dira, abokatuen elkargoen eta espetxeen arteko bideokonferentzia bidezko komunikazio-sistema bat sortzeko. Sistema berri honek ez du komunikazio presentziala ordeztu nahi, osatu baizik.

Akordioaren testuaren arabera, eredu berri hori ezartzeko, Espetxe Erakundeetako Idazkaritza Nagusiak beharrezko tresnak eta espazioak emango dizkie espetxeei, eta horien helburua presoen eskubideen defentsa eta babesa bermatzea izango da. Espainiako Abokatutzaren Kontseilu Nagusiak gauza bera egingo du abokatuen elkargoekin.

Interesa duten abokatuen elkargoek atxikitzeko eskaera bete beharko dute, eta Espetxeetako Idazkaritza Nagusira eta Espainiako Abokatutzaren Kontseilu Nagusira bidali. Atxikitzearen ondoren, bi erakundeek eskaerak onartu edo ukatuko dituzte. Sinatutako hitzarmenak lau urteko indarraldia izango du. Aldi horretan, helburua Abokatuen Elkargo guztietan eta Espetxeetako Idazkaritza Nagusiaren mende dauden espetxe guztietan bideokonferentzia-sistemak ezartzea da.

Idatzi zure iruzkina


Ez da argitaratuko
 
*